காலையில் வானிலிருந்து விழும் மர்ம பொருள்: குழப்பத்தில் மக்கள்!

இலங்கையின் சில பகுதிகளில் கடந்த இரண்டு நாட்களாக காலை வேளையில் வான் பரப்பில் இருந்து மர்ம பொருள் விழுந்ததால் அப்பகுதி மக்கள் பெரும் குழப்பமடைந்துள்ளனர்.

பொலன்னறுவை, திம்புலாகலை, வெலிகந்த, மஹாவலி உள்ளிட்ட பல பகுதிகளில் கடந்த இரண்டு நாட்களாக காலை வேளையில் வானத்தில் இருந்து அடையாளம் தெரியாத சிலந்தி வலை போன்ற வெள்ளை நூல் விழுவதாக அப்பகுதி மக்கள் தெரிவித்துள்ளனர்.

நேற்றுமுன் தினம் பொலன்னறுவை, ஜயந்திபுர பிரதேசத்தில் உள்ள இந்த இனந்தெரியாத வெள்ளை சிலந்தி வலை போன்ற பொருள் பரவியதால் பாடசாலை ஒன்றை மூடுவதற்கு தீர்மானிக்கப்பட்டுள்ளது

குறித்த வெள்ளைத் துண்டுகள் மத்திய சுற்றாடல் அதிகாரசபையின் பரிசோதனைக்காக கொழும்புக்கு அனுப்பி வைக்கப்பட்டுள்ளதாகவும் குறிப்பிடப்படுகின்றது.