மின் கட்டணத்தை மீண்டும் 22 வீதத்தால் அதிகரிக்க தீர்மானம்!

மின்சார கட்டணத்தை மீண்டும் உயர்த்த யோசனை முன்வைக்கப்பட்டுள்ளதாக பொதுப் பயன்பாடுகள் ஆணைக்குழு தெரிவித்துள்ளது.

இதன்படி, அனைத்து மின்சார நுகர்வோருக்கும் 22% கட்டணத்தை அதிகரிக்க அல்லது ஒரு மின்சார அலகுக்கு அறவிடப்படும் கட்டணத்தை 8 ரூபாவால் அதிகரிக்க முன்மொழியப்பட்டுள்ளது.

இந்த ஆண்டு, 4,500 ஜிகாவாட் நீர்மின் திறன் எதிர்பார்க்கப்பட்டது, ஆனால் 3,750 ஜிகாவாட் மணிநேரம் மட்டுமே உற்பத்தி செய்ய முடிந்ததால், நீர்மின்சாரத்தில் இருந்து எதிர்பார்த்த அளவு மின்சாரம் தயாரிக்க முடியாததால், கட்டணத்தை உயர்த்த திட்டமிடப்பட்டுள்ளது. .

மின்கட்டண திருத்த முறையின்படி ஒவ்வொரு வருடமும் ஜனவரி மற்றும் ஜூலை மாதங்களில் கட்டண திருத்தம் மேற்கொள்ளப்படுவதாகவும், 2024 ஜனவரியில் மேற்கொள்ளப்பட வேண்டிய கட்டண திருத்தம் ஒக்டோபரில் மேற்கொள்ள உத்தேசிக்கப்பட்டுள்ளதாகவும் தெரிவிக்கப்பட்டுள்ளது.