மடிக்கணினிகள் கடத்தல் சம்பவம் : இந்திய பிரஜை கைது

ரூபா 2.9 மில்லியன் மதிப்புள்ள 39 மடிக்கணனிகளை கடத்த முயன்ற இந்திய பிரஜை ஒருவர் நேற்று(21) கைது செய்யப்பட்டுள்ளதாக காவல்துறையினர் தெரிவித்தனர்.

கொழும்பு 12 மூர் தெருவில் உள்ள தற்காலிக இல்லத்தில் வைத்து சந்தேக நபர் கைது செய்யப்பட்டதாக காவல்துறையினர் தெரிவித்தனர். குறித்த சந்தேக நபர் சென்னை ஹனுமந்த புரத்தை சேர்ந்த கலந்தர் எடுல் அலி என அடையாளம் காணப்பட்டுள்ளார்.

குறித்த சந்தேக நபர் 39 மடிக்கணனிகளை சுங்க வரி செலுத்தி இறக்குமதி செய்துள்ளதாக காவல்துறை விசாரணைகளில் இருந்து தெரியவந்துள்ளதுடன் செப்டெம்பர் 3 ஆம் திகதி சென்னையில் இருந்து நாட்டிற்கு வந்து தற்காலிக இல்லத்தில் தங்கியிருந்தார்.