தடுப்பூசி ஒவ்வாமையால் 4 மாத குழந்தை உயிரிழப்பு!

வெலிகம – நலவன பகுதியில் தடுப்பூசி செலுத்தப்பட்டதன் பின்னர், 4 மாத குழந்தையொன்று உயிரிழந்துள்ளதாக தகவல் வெளியாகியுள்ளது.

இக்குழந்தைக்கு செலுத்தப்பட்ட தடுப்பூசி விஷமானமையே இவ்விறப்புக்கான காரணம் என குழந்தையின் உறவினர்கள் குற்றம் சாட்டியுள்ளனர்.

இச்சம்பவம் தொடர்பில் தெரியவருவது யாதெனில், கடந்த 2 ஆம் திகதி நான்கு மாதத்திற்கான தடுப்பூசி குறித்த குழந்தைக்கு வெலிபிட்டிய சுகாதார வைத்திய அதிகாரி காரியாலயத்தில் செலுத்தப்பட்டுள்ளதாக தெரியவந்துள்ளது.

இதனைத் தொடர்ந்து, குறித்த குழந்தைக்கு ஏற்பட்ட கடுமையான குளிர் காரணமாக கராப்பிட்டிய போதனா வைத்தியசாலையில் அனுமதிக்கப்பட்டுள்ளது.

எனினும், குறித்த குழந்தை வைத்தியசாலையில் அனுமதிக்கப்படுவதற்கு முன்னரே இறந்திருந்ததாக பிரேத பரிசோதனை அறிக்கையில் தெரியவந்துள்ளதாக குறிப்பிடப்பட்டுள்ளது.