யாழில் போதைப்பொருட்கள் வில்லைகளுடன் இருவர் கைது!

வீட்டில் வைத்து கஞ்சா மற்றும் போதை மாத்திரைகளை விற்பனை செய்து வந்த இளைஞர் ஒருவர் நேற்று (07.09.2023) கைது செய்யப்பட்டுள்ளார்.

இக் கைது நடவடிக்கையானது கோப்பாய் பொலிஸாருக்குக் கிடைத்த தகவல்களுக்கு அமைய முன்னெடுக்கப்பட்டது.

சந்தேக நபரான இளைஞர் 25 வயதுடையவர் என்றும் அவரிடம் மேலதிக விசாரணைகள் முன்னெடுக்கப்பட்டுள்ளன என பொலிஸார் மேலும் தெரிவித்தனர்.

அதேவேளை , யாழ்ப்பாணம் நகரப்பகுதியில் போதை மாத்திரைகளுடன் இளைஞர் ஒருவர் நேற்று (07.09.2023) மாலை கைது செய்யப்பட்டுள்ளார்.

யாழ்.மாவட்ட குற்றத்தடுப்புப் பிரிவு பொலிஸ் அதிகாரி தெ.மேனன் தலைமையிலான குழுவினரால் இளைஞர் கைது செய்யப்பட்டார்.

கைதான இளைஞனிடம் இருந்து 40 போதை மாத்திரைகள் மீட்கப்பட்டன.
அவரிடம் மேலதிக விசாரணைகளை பொலிஸார் மேற்கொண்டுள்ளனர்.