நிலவுக்கு ஏவப்பட்டது ஜப்பானின் ஸ்லிம் விண்கலம்!

ஜப்பான் விண்வெளி ஆய்வு மையம் நிலவை ஆய்வு செய்வதற்கான ‘ஸ்லிம்’ என்ற விண்கலத்தை ஏவியுள்ளது. இதற்கு முன்னராகவே இந்த விண்கலத்தை எச்.2-ஏ என்ற ராக்கெட் மூலம் விண்ணில் ஏவ திட்டமிடப்பட்டது. ஆனால் மோசமான வானிலை உள்ளிட்ட காரணங்களால் ராக்கெட் ஏவுதல் 3 முறை ஒத்திவைக்கப்பட்டது.

இந்த நிலையில் ஸ்லிம் விண்கலத்தை நேற்று (07.09.2023) விண்ணில் ஏவ முடிவு செய்யப்பட்டது.

குறித்த விண்கலம் விண்கலம் நிலவை சென்றடைய 4 அல்லது 6 மாதங்கள் ஆகலாம் என்றும் நிலவின் பாறைகளை ஆராய்வதில் ஸ்லிம் விண்கலம் முக்கிய பங்கு வகிக்கும் எனவும் தெரிவிக்கப்பட்டுள்ளது.

விண்கலத்தில் சிறிய ரக லேண்டர் உள்ளதுடன், பிரபஞ்சத்தின் தோற்றத்தை ஆராய எக்ஸ்ரே தொலை நோக்கியும் அனுப்பப்பட்டுள்ளது.
இது விண்மீன் திரள்களுக்கு இடையே உள்ளவற்றின் வேகத்தையும் ஆராயும். இந்த தகவல் மூலம் வான் பொருட்கள் உருவானது எப்படி என்பதை கண்டறிய உள்ளோம். மேலும் பிரபஞ்சம் எவ்வாறு உருவானது என்ற மர்மத்தை தீர்க்க வழி வகுக்கும் என்று ஜப்பான் விண்வெளி ஆய்வு மையம் தெரிவித்துள்ளது.