கொழும்பு-மகரகம விபத்தில் 15 வயது சிறுவன் உயிரிழப்பு!

கொழும்பு-மகரகம பிரதேசத்தில் இடம்பெற்ற வாகன விபத்தில் 15 வயது சிறுவன் உயிரிழந்துள்ளார். குறித்த விபத்தானது நேற்று(04.09.2023)இரவு இடம்பெற்றுள்ளது.

மோட்டார் சைக்கிளொன்றுடன் பாரவூர்தி மோதியதில் இந்த விபத்து இடம்பெற்றுள்ளதாக தெரிவிக்கப்படுகிறது.

குறித்த விபத்தில் மோட்டார் சைக்கிளின் பின் ஆசனத்தில் இருந்து பயணித்த சிலம்பரசன் வாகீசன் என்ற 15 வயது சிறுவன் சம்பவ இடத்திலேயே உயிரிழந்துள்ளார்.

மேலும் மோட்டார் சைக்கிளைச் செலுத்திச் சென்ற சிறுவனின் உறவினரான 27 வயது இளைஞர் படுகாயங்களுடன் வைத்தியசாலையில் சேர்க்கப்பட்டுள்ளதாக தெரிவிக்கப்படுகிறது.

விபத்திற்கு காரணமான பாரவூர்தியின் சாரதியை பொலிஸார் கைது செய்துள்ளதுடன் மேலதிக விசாரணைகளையும் மேற்கொண்டு வருகின்றனர்.