ஹோமாகம கட்டுவன பகுதியில் தென்பட்ட மர்மபொருள் : அச்சத்தில் பொதுமக்கள்!

ஹோமாகம கட்டுவன கைத்தொழில் தொழிற்சாலைக்கு அருகில் உள்ள பகுதியில் திடீரென வெள்ளை நிற பஞ்சு போன்ற மர்ம பொருள் வெளியேறி குறித்த பிரதேச முழுவதும் பரவியுள்ளது.

இதனால் சுற்றுச்சூழல் மற்றும் சுகாதார சீர்கேடுகள் ஏற்பட்டுள்ளதாக மக்கள் குற்றம் சுமத்தியுள்ளனர்.

அண்மையில் தீப்பிடித்த கட்டுவான தொழிற்சாலை பகுதியிலிருந்து வெளியேற்றப்பட்ட இரசாயன திரவம் நீரில் கலந்துள்ளதனால் இவ்வாறு உருவாகியுள்ளதாக விவசாயிகள் சந்தேகம் தெரிவிக்கின்றனர்.

குறித்த மர்மபொருள் முதலில் பஞ்சு உருண்டையாகத் தெரிந்தாலும், காற்றினால் அடித்துச் செல்லப்பட்டு பிரதேச சுற்றுப்புறச் சூழல் முழுவதும் பரவி நுரை போன்று காணப்படுவதாக குறிப்பிடப்படுகின்றது.