அமெரிக்க ஜனாதிபதி இந்தியா விஜயம்!

நடைபெறவிருக்கும் ஜி-20 மாநாட்டில் பங்கேற்பதற்காக அமெரிக்க ஜனாதிபதி ஜோ பைடன் இந்த மாதம் இந்தியாவுக்கு விஜயம் மேற்கொள்ளவுள்ளதாக தெரிவிக்கப்பட்டுள்ளது.

குறித்த இவ்விடயம் தொடர்பில் வெள்ளை மாளிகையிலிருந்து வெளியான அறிக்கை ஒன்றில் எதிர்வரும் 7ஆம் திகதி ஜோ பைடன் இந்தியாவுக்கு விஜயம்
மேற்கொள்ளவுள்ளதாக தெரிவிக்கப்பட்டுள்ளது.

இந்த விஜயத்தின் போது அவர், இந்திய பிரதமர் நரேந்திர மோடியுடன் இருதரப்பு பேச்சுவார்த்தைகளை நடத்தவுள்ளதாக தெரிவிக்கப்படுகிறது. மேலும் புதுடெல்லியில் எதிர்வரும் 9ம் மற்றும் 10ம் திகதிகளில் ஜி20 நாடுகளின் தலைவர்கள் கலந்துரையாடவுள்ளனர்.

இந்தநிலையில் எதிர்வரும் 8ம் திகதி இந்திய பிரதமருக்கும், அமெரிக்க ஜனாதிபதிக்கும் இடையிலான சந்திப்பு இடம்பெறவுள்ளது குறிப்பிடத்தக்கது.

அத்துடன் ஜி20 மாநாட்டில் காலநிலை நிலைமை மாற்றம் மற்றும் சர்வதேச பொருளாதார என்பன தொடர்பில் ஆராயப்படவுள்ளதாக தெரிவிக்கப்படுகிறது.