2023 -ஆசிய கோப்பை கிரிக்கெட் போட்டியில் இலங்கை அணி விபரம்!

2023 ஆம் ஆண்டிற்கான ஆசிய கோப்பை கிரிக்கெட் போட்டியில் இலங்கை அணி சார்பில் விளையாட இருக்கும் வீரர்கள் குறித்த விபரம் தற்போது வெளியாகியுள்ளது.

அந்தவகையில், தசுன் ஷானக (தலைவர்), குசல் மெண்டிஸ் (துணை தலைவர்), பெத்தும் நிஸ்ஸங்க, திமுத் கருணாரத்ன, குசல் ஜனித்பெரேரா, சரித் அசலங்கா, தனஞ்சய டி சில்வா, சதீர சமரவிக்ரம, மகேஷ் தீக்ஷனா, துனித் வெல்லலகே, மதீஷ பத்திரன, கசுன் ராஜித, துஷான் ஹேமந்த, பினுர பெர்னாண்டோ, பிரமோத் மதுஷன் ஆகிய வீரர்களே பங்கேற்கவுள்ளனர்.

அத்துடன், அணியில் தெரிவு செய்யப்பட்ட நட்சத்திர விரர் வனிந்து ஹசரங்க, துஷ்மந்த சமீர, டில்ஷான் மதுஷங்க, மற்றும் லஹிரு குமார ஆகியோர் காயம் காரணமாக பங்கேற்க மாட்டார்கள் என தெரிவிக்கப்பட்டுள்ளது.

காயமடைந்த வீரர்களுக்குப் பதிலாக பினுர பெர்னாண்டோ மற்றும் பிரமோத் மதுஷன் ஆகியோரின் பெயர்கள் தாமதமாக சேர்க்கப்பட்டதால், விளையாட்டு அமைச்சகத்தின் ஒப்புதலுக்கு அனுப்பப்பட்டுள்ளது. குசல் ஜனித் பெரேரா காய்ச்சலில் இருந்து மீண்டு முழுமையாக குணமடைந்தவுடன் அணியில் இணைவார் என எதிர்ப்பார்க்கப்படுகிறது.

ஆசிய கோப்பை 2023 ஆகஸ்ட் 30 (இன்று ) தொடங்கி எதிர்வரும் செப்டம்பர் 17 வரை நடைபெறும்.