தடுப்பூசி ஒவ்வாமை காரணமாக மற்றுமொரு உயிரிழப்பு!

குறித்த 50 வயதுடைய நபர், கொழும்பு தேசிய வைத்தியசாலையில் சிகிச்சை பெற்று வந்த நிலையில், வெட்டுக் காயங்களை ஆற்றுவதற்காக, செலுத்தப்பட்ட கோ அமொக்ஸிகிளேவ் (Co Amoxiclav)  என்ற தடுப்பூசியால் ஒவ்வாமை
ஏற்பட்டதையடுத்து உயிரிழந்துள்ளதாக அவர் தெரிவித்துள்ளார்.

அத்துடன், குறித்த சிகிச்சை அறையில் உள்ள 32 நோயாளர்களுக்கு இந்த தடுப்பூசி செலுத்தப்பட்டதாக கூறப்படுகிறது.

(co Amoxiclav) என்ற இந்த வகை தடுப்பூசி உள்நாட்டில் தயாரிக்கப்படுகிறது.
இது தேசிய ஒளடத ஒழுங்குபடுத்தல் ஆணைக்குழுவினால் அங்கீகரிக்கப்பட்டுள்ளது.

இந்த நிலையில், தற்போது குறித்த தடுப்பூசி கொழும்பு தேசிய வைத்தியசாலையில் பயன்பாட்டிலிருந்து இடைநிறுத்தப்பட்டு உள்ளதாகவும் உயிரிழந்த நோயாளரின் பிரேத பரிசோதனையின் பின்னர் மேலதிக
நடவடிக்கை எடுக்கப்படும் எனவும் பிரதி சுகாதார சேவைகள் பணிப்பாளர்
நாயகம் விசேட வைத்தியர் ஜி. விஜேசூரிய தெரிவித்துள்ளார்.