பள்ளி மாணவியின் கோபத்தால் ஏற்பட்ட விபரீதம்: வைத்தியசாலையில் சக மாணவர்கள்!

விசம் கலக்கப்பட்ட நீரை பருகிய ஆறு மாணவர்கள் வைத்தியசாலையில் அனுமதிக்கப்பட்டுள்ளனர். இந்த சம்பவம் இன்றைய தினம் நாராம்மல பகுதியிலுள்ள பாடசாலை ஒன்றில் பதிவாகியுள்ளதாக தெரிவிக்கப்படுகின்றது.

தரம் 10 இல் கல்வி கற்கும் மாணவர்களே இவ்வாறு விசம் கலக்கப்பட்ட நீரை பருகியுள்ளனர்.

10 ஆம் தரத்தில் கல்வி கற்கும் மாணவி ஒருவர் அதே தரத்தில் கல்வி கற்கும் சக மாணவிகளுடன் ஏற்பட்ட குரோத மனநிலையால் மாணவிகளின் தண்ணீர் போத்தல்களில் விசத்தை கலந்துள்ளதாக தெரிவிக்கப்படுகிறது.

மேலும் சம்பவத்துடன் தொடர்புடைய சிறுமியும் வைத்தியசாலையில் அனுமதிக்கப்பட்டுள்ளதாக நாராம்மல் காவல் துறையினர் தெரிவிக்கின்றனர்.

இந்த சம்பவம் தொடர்பான மேலதிக விசாரணைகளை காவல் துறையினர் மேற்கொண்டு வருவதாகவும் தெரிவிக்கபட்டுள்ளது.