மின்னல் தாக்கி மூவர் பலி: மிஹிந்தலை- சிப்பிக்குளத்தில் சம்பவம்

மிஹிந்தலை சிப்பிக்குளம் பகுதியில் மின்னல் தாக்குதலுக்கு உள்ளாகி மூவர் பலியாகியுள்ளனர்.

தம்மன்னாவ வாவியில் மீன்பிடியில் ஈடுபட்டிருந்த நிலையில் அவர்கள் மின்னல் தாக்கி நேற்று உயிரிழந்ததாக தெரிவிக்கப்படுகிறது.

உயிரிழந்தவர்கள் கஹட்டகஸ்திகிலிய தம்புருவ பகுதிகளை சேர்ந்த 43 முதல் 45 வயதிற்கு இடைப்பட்டவர்கள் என தெரிவிக்கப்பட்டுள்ளது.

மீன்பிடிப்பதற்காக வாவிக்கு 10 பேர் சென்றிருந்த நிலையில் மூவர் மின்னல் தாக்கி உயிரிழந்தனர்.

உயிரிழந்தவர்களில் இரண்டு இராணுவ வீரர்களும் அடங்குவதாக தெரிவிக்கப்பட்டுள்ளது.