ஓய்வு பெற்ற மற்றும் சேவையில் இருந்து விலகிய ஆசிரியர்களை மீண்டும் பணியில் ஈடுபடுத்த முடிவு

ஓய்வுபெற்ற மற்றும் சேவையிலிருந்து விலகிய ஆசிரியர்களை மாகாண பாடசாலைகளுக்கு இணைத்துக் கொள்வதற்கு அமைச்சரவை அங்கீகாரம் கிடைக்குமென கல்வி அமைச்சர் கலாநிதி சுசில் பிரேமஜயந்த நேற்று(11) பாராளுமன்றத்தில் தெரிவித்தார்.

இந்த வருடத்திற்கு ஒதுக்கப்பட்ட பணம் மாகாண சபைகளில் உள்ளதால் அந்த குழுவை இணைத்துக் கொள்ள முடியும் என அமைச்சர் குறிப்பிட்டுள்ளார்.

மேலும் கருத்து தெரிவித்த அமைச்சர், அமைச்சரவையின் அங்கீகாரம் கிடைத்தவுடன் மாகாண சபைகளுக்கு அறிவிக்கப்படும் எனவும், இந்த ஆட்சேர்ப்புகளை மேற்கொண்டால் ஆசிரியர் பற்றாக்குறை ஓரளவு தவிர்க்கப்படும் எனவும் தெரிவித்தார்.

இவர்கள் அனைவரும் ஆட்சேர்ப்பு செய்யப்பட்ட பின்னரும் 26,000 வெற்றிடங்கள் காணப்படுவதாக திரு.சுசில் பிரேமஜயந்த தெரிவித்தார்.

மாத்தளை மாவட்ட சபை உறுப்பினர் திருமதி ரோஹினி குமாரி விஜேரத்ன எழுப்பிய கேள்விக்கு பதிலளிக்கும் போதே அமைச்சர் மேற்கண்டவாறு தெரிவித்தார்.