மங்காத்தாவிற்கு பின் மீண்டும் இணையும் வெற்றிக்கூட்டணி- விடாமுயற்சி

நடிகர் அஜித்தின் திரை வாழ்க்கையில் மிகப்பெரிய ப்ளாக் பஸ்டர் திரைப்படங்களில் மங்காத்தா இற்கு தனி இடம். இன்று வரை ரசிகர்களால் கொண்டாடப்படும் அஜித்தின் திரைப்படங்களில் மங்காத்தா முதலிடத்தில் இருக்கும். அந்த அளவிற்கு வசூலிலும், விமர்சனத்திலும் பட்டிதொட்டி எங்கும் பட்டையை கிளப்பியது.

இப்படத்தில் அஜித்துடன் இணைந்து அர்ஜுன், திரிஷா உள்ளிட்ட பல நட்சத்திரங்கள் நடித்திருந்தனர். மங்காத்தா திரைப்படத்திற்கு பின் அர்ஜுன், திரிஷா, அஜித் இந்த மூவரும் எந்த ஒரு திரைப்படத்திலும் இணைந்து நடிக்கவில்லை.

இந்நிலையில், வெளியாகியுள்ள புதிய தகவலின்படி, தற்போது அஜித் நடித்துக்கொண்டிருக்கும் விடாமுயற்சி திரைப்படத்தில் அஜித்துடன் இணைந்து திரிஷா மற்றும் ஆக்‌ஷன் கிங் அர்ஜுன் நடிக்கவுள்ளதாக தகவல் வெளியாகி திரை ஆர்வலர்களை பெரிதும் ஈர்த்துள்ளது.