பிரபல நடிகர் சரத்பாபுவின் உயிரிழப்பு 

பிரபல நடிகர் சரத்பாபு உடல்நலக்குறைவு காரணமாக மருத்துவமனையில் தனது 71 ஆவது வயதில் இன்று காலமானார். 1973 ஆம் ஆண்டு தெலுங்கு சினிமாவில் நடிகராக அறிமுகமானவர் சரத்பாபு. அதன்பின்னர், தமிழ் திரை உலகில் கே. பாலச்சந்தர் இயக்கத்தில் அறிமுகமானார். 1970,1980 களில் முன்னணி நடிகராக வலம் வந்த அவர், நடிகர் கமல், மற்றும் ரஜினி, சிவாஜி, சிரஞ்சீவி ஆகியோருடன் இணைந்து நடித்துள்ளார்.கடந்த சில நாட்களுக்கு முன்னர் உடல் நிலை குறைவால், ஐதராபாத்தில் உள்ள தனியார் மருத்துவமனையில் அனுமதிக்கப்பட்டு தொடர்ந்து சிகிச்சை பெற்று வந்த நிலையில் இன்று அவர் காலமானார்.