12 வயது சிறுவனுக்கும் 10 வயது சிறுமிக்கும் திருமணம் செய்து வைத்த குடும்பம்!

எகிப்தில் 12 வயது சிறுவனுக்கும் அச்சிறுவனின் உறவினரான 10 வயது சிறுமிக்கும் பெற்றோரினால் திருமணம் நிச்சயம் செய்யப்பட்டது. இந்த சம்பவம் பொதுமக்கள் மத்தியில் கடும் விமர்சனத்திற்கு உள்ளாகியுள்ளது.

மேற்குறிப்பிடப்பட்ட இரு சிறுவர்களின் நிச்சயதார்த்த புகைப்படங்கள் சமூக வலைத்தளங்களில் வெளியாகி பொது மக்களின் கவனத்தை ஈர்த்தது மட்டுமின்றி எகிப்தின் சிறுவர் பாதுகாப்பு அமைப்பு அதிகாரிகள் இது தொடர்பில் விசாரணைகளை மேற்கொண்டு வருகின்றனர்.

12 வயது ஜியாத் மற்றும் 10 வயது சாமா ஆகியோருக்கு குடும்ப உறுப்பினர்கள் மத்தியில் நிச்சயதார்த்த விழா முன்னெடுக்கப்பட்டுள்ளது மாத்திரமன்றி இந்த விழாவின் புகைப்படங்களை சிறுவர்களின் பெற்றோர்களே வெளியிட்டு பெருமை கொண்டுள்ளனர்.

நிச்சயதார்த்த விழா தொடர்பான புகைப்படங்கள் பொதுமக்களிடையே விவாதத்தை ஏற்படுத்தியுள்ள நிலையில், மொத்த குடும்பமும் தற்போது அந்த விழாவினை ஆதரித்து பேசியுள்ளது.

சிறுவர் பாதுகாப்பு அமைப்பு அதிகாரி ஒருவர் கூறுகையில் சிறுவர்களுக்கு திருமணம் செய்து வைப்பது என்பது பின்விளைவுகளை ஏற்படுத்தும் எனவும், ஆபத்தான முன்னுதாரணம் எனவும் குடும்பத்தினருக்கு விளக்கியுள்ளதாகவும் தெரிவித்துள்ளனர்.

பொதுமக்கள் கடுமையாக விமர்சித்த நிலையில், அந்த பெற்றோர் தற்போது சிறார்களின் திருமணம் தொடர்பில் முடிவெடுக்கவில்லை எனவும், இருவரையும் தாங்கள் கட்டாயப்படுத்தவில்லை எனவும், அவர்களுக்கு உரிய வயதாகும் போது திருமணம் குறித்து முடிவெடுக்கட்டும் எனவும் இரு சிறுவர்களின் பெற்றோரும் தெரிவித்துள்ளனர்.